Studentët e Historisë, të FSHSH, nga klubi studentor “Mozaik” zhvilluan sot një ekspeditë arkeologjike në zonën Postribë-Drisht, duke eksploruar vendbanimin e hershëm ilir në kalanë e Kratulit dhe katedralen mesjetare të Muzhilës.
Ekspedita u udhëhoq nga arkeologu Paulin Pushimaj, duke u ofruar studentëve mundësinë për të lidhur dijet teorike me terrenin real dhe për të “prekur” nga afër objektet historike të rëndësishme. Ky lloj formimi është thelbësor për të kuptuar më mirë trashëgiminë tonë kulturore.
