/ Përgaditi: Dashnim HEBIBI/
Cyrih, 01 prill
Në kuadër të forcimit të marrëdhënieve me institucionet lokale zvicerane, Shefi i Misionit Konsullor të Republikës së Kosovës në Cyrih, Vigan Berisha, ka zhvilluar një takim me Kryetarin e qytetit të Schlieren-it, z. Markus Bärtschiger.
Gjatë këtij takimi, u diskutuan mundësitë për thellimin e bashkëpunimit mes qytetit të Schlieren-it dhe qyteteve të Kosovës, me fokus në shkëmbimet institucionale, lidhjet ekonomike dhe përfshirjen e mërgatës shqiptare në këtë qytet. Në këtë kontekst, u vlerësua roli i diasporës shqiptare, e cila ka dhënë një kontribut të rëndësishëm në zhvillimin ekonomik dhe shoqëror të Schlieren-it.
Z. Berisha dhe z. Bärtschiger diskutuan mbi hapat konkretë që mund të ndërmerren për të krijuar ura bashkëpunimi mes dy vendeve, duke përfshirë projekte të përbashkëta në fushën e ekonomisë, arsimit dhe kulturës.
Në përfundim të takimit, z. Berisha shprehu mirënjohjen për pritjen e ngrohtë dhe diskutimin konstruktiv, duke theksuar se një bashkëpunim më i ngushtë mes institucioneve të të dyja vendeve do të sjellë përfitime të ndërsjella dhe do të forcojë lidhjet e diasporës shqiptare me vendlindjen.
Ky takim është një tjetër hap tjetër drejt forcimit të marrëdhënieve mes Kosovës dhe Zvicrës, duke krijuar mundësi të reja për bashkëpunim dhe zhvillim të ndërsjellë.
SAM24.info