/ Nga Florim Useini, Lozan/
Dje, së bashku me ambasadorin Rexhep Demiri dhe Meti Krasniqin, kryetar i Rrjetit të Miqësisë, morëm rrugën drejt Lozanës për të vizituar miqtë tanë, për t’ju uruar festën e Bajramit dhe për të kaluar një pasdite të frytshme me diskutime mbi mundësitë e kontributit tonë për të mirën dhe gjithmonë në atë të kauzës shqiptare.
Vizita jonë nisi me një takim të ngrohtë me imamin Fehim Abazi, një aktivist i palodhur dhe një figurë e rëndësishme e komunitetit shqiptar nëpërmjet Qendrës Shqipëtare për Kulturë, Integrim dhe Religjion në Lozanë, e cila dallon për aktivitetet e saj të vyera.
Më pas, patëm kënaqësinë të vizitojmë afaristët Atdhe Jasiqi dhe Milaim Berisha nga kompania ‘Vuichard Ventilation SA’, ku biseduam rreth mundësive të bashkëpunimit dhe mbështetjes së ndërsjellë.
Mbrëmjen e përmbyllëm me një darkë të ngrohtë në restorantin e njohur “Churrasco”, me pronar Met Fetajn nga Gjakova. Atmosfera ishte e mrekullueshme dhe kënaqësia jonë u shtua edhe më shumë me praninë e afaristit të suksesshëm Shqiprim Ameti nga kompania Varrin SA.
Një falënderim i veçantë për mikpritjen vëllazërore dhe përzemërsinë që na dhuruan miqtë tanë në Lozanë! Njëkohësisht, faleminderit edhe pronarit të restorantit për pritjen e ngrohtë dhe të paharrueshme.