Tenori shqiptar me famë botërore Saimir Pirgu është ndër më të njohurit dhe më të kërkuarit në arenën ndërkombëtare. Ai është ngjitur në skenat e teatrove të Operës më të mëdha të botës dhe në karrierën e tij është drejtuar nga dirigjentë prestigjiozë. Saimiri është rikthyer në skenën shqiptare të Teatrit të Operës dhe Baletit pas 13 vitesh mungesë, me interpretimin në operën “Tosca”. Tenori shqiptar dhuroi për publikun artdashës shqiptar emocion dhe interpretim të jashtëzakonshëm. Gjatë qëndrimit në Tiranë ai promovoi dhe albumin e tij të tretë në CD, të titulluar SAIMIR, njofton radio ejani.
